08.01.2013

Gunnar Nelson keppir á Wembley

Íslenski bardagaíþróttakappinn Gunnar Nelson úr Mjölni mun berjast við Bandaríkjamanninn Justin „Fast Eddy" Edwards í UFC keppninni í MMA (blönduðum bardagalistum) en keppnin fer fram í Wembley Arena í London þann 16. febrúar n.k. Gunnar er eins og flestir vita taplaus á ferli sínum í MMA og hefur unnið 10 bardaga í röð, þar af 9 í fyrstu lotu. Hann sigraði í frumraun sinni innan UFC í fyrstu lotu í september s.l. þegar hann bar sigurorð af Bandaríkjamanninum DaMarques Johnson í Nottingham.

Justin Edwards á að baki a.m.k. 10 bardaga sem atvinnumaður í MMA. Hann hefur keppt 4 sinnum innan raða UFC og vann sinn stærsta sigur á ferlinum í október s.l. þegar hann svæfði reynsluboltann Josh Neer á aðeins 45 sekúndum. Justin Edwards er án efast erfiðasti andstæðingur Gunnars til þessa. Búast er má við að fjöldi Íslendinga mæti til London líkt og í Notthingham og er þegar uppselt í sérstakt leiguflug frá Íslandi í einvígið.

Keppnin fer fram í Wembley Arena (Arena Square, Wembley, London, HA9 0AA, UK) og hefst hún kl. 20:00. Aðgöngumiða má nálgast á www.ticketmaster.co.uk.



Inspired by Iceland