03.09.2012

Fermingarfræðsla íslensku kirkjunnar í Svíþjóð - Skráning

Sendiráðið hefur verið beðið um að koma eftirfarandi upplýsingum á framfæri:

Fermingarundirbúningur Íslensku kirkjunnar í Svíþjóð hefst með fermingarmóti á Åh Stiftgård 28.-30. sept. Unglingar koma á mótið víðs vegar að úr Svíþjóð. Við hittumst á brautarstöðinni í Gautaborg og förum með rútu til Åh stiftgård sem er 70 km fyrir norðan Gautaborg.

Á fermingarmótinu gefst tækifæri til að kynnast og byrja fræðsluna af krafti. Á mótinu samtvinnum við nám, leik og skemmtilega samveru. Það koma einnig unglingar frá Noregi og Danmörku, samtals verðum við kannski um 60 unglingar og 10 fullorðnir. 

Fræðslan heldur áfram eftir fermingarmótið með því að unglingarnir sækja guðsþjónustur og skila verkefnum með tölvupósti. Að vori hittist hópurinn að nýju á sama stað í maí 2013. Það er valfrjálst hvort ferming fari fram í Svíþjóð eða heima á Íslandi.

Þeir sem vilja vera með í fermingarfræðslu í vetur eru beðnir að skrá sig sem fyrst eða fyrir 5. september. Vinsamlega hafið samband á kirkjan@telia.com og þá fáið þið skráningarblað sent. Einnig er velkomið að leita frekari upplýsinga hjá Ágústi Einarssyni, presti Íslendinga í Svíþjóð, í síma 0702863969.

 

 



Inspired by Iceland