Atkvæðagreiðsla utan kjörfundar vegna forsetakosninga 2016

Atkvæðagreiðsla utan kjörfundar vegna forsetakosninga 25. júní 2016 hófst mánudaginn 2. maí í sendiráðinu í Stokkhólmi.

Tekið verður á móti kjósendum alla virka daga milli kl. 10:00-15:00 sem og á sérstökum opnunartíma fyrir kosningar sem verður miðvikudaginn 15. júní á milli kl. 10:00 og 20:00. Athugið að sendiráðið er lokað dagana 5. og 16. maí og 6.,17., og 24. júní 2016.

Einnig verður hægt að kjósa utan kjörfundar eftir samkomulagi hjá kjörræðismönnum Íslands erlendis, samanber meðfylgjandi lista. Þeir sem hyggjast kjósa á ræðisskrifstofum er bent á að hafa samband við ræðismenn áður en þeir koma til að kjósa.

Kjósendur eru beðnir um að framvísa íslenskum persónuskilríkjum með mynd, þ.e. vegabréfi eða ökuskírteini.

Gert er ráð fyrir að kjósendur kynni sér sjálfir hverjir eru í framboði. Athygli kjósenda er ennfremur vakin á því að þeim ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi, þ.e. fyrir eða í síðasta lagi þann 25. júní. Síðasti dagur til að kjósa í sendiráðinu er fimmtudagurinn 23. júní.

Hagnýtar upplýsingar um kosningarnar má finna á vefnum www.kosning.is

Listi yfir hvar er hægt að kjósa erlendis.

Video Gallery

View more videos