19.09.2012

Hellisbúinn frumsýndur í Scalateatern í Stokkhólmi mánudaginn 24. september/ Grottmannen har premiär på Scalateatern den 24 september

Einleikurinn Hellisbúinn verður frumsýndur í Scalateatern í Stokkhólmi mánudaginn 24. september í leikstjórn Íslendingsins Gunnars Helgasonar.

Hellisbúann sjálfan, já eða Grottmannen, leikur hinn vel þekkti Tomas Bolme sem nú snýr aftur í Scalateatern en hann stofnaði leikhúsið árið 1971 með leikhópnum Fria Pro Teatern.

Hellisbúann þekkja allir Íslendingar. Ef þeir hafa ekki séð verkið sjálfir hafa þeir heyrt um sýninguna sem Bjarni Haukur Þórsson lék í hér um árið í Gamla Bíói í Reykjavík. Gunnar hefur einnig þó nokkra reynslu af Hellisbúanum því hann hefur leikstýrt verkinu tvisvar áður. Árið 2003 í Helsinki og árið 2008 í Trollhättan í Svíþjóð. Báðar þær sýningar ganga enn fyrir fullu húsi.

Verkið fjallar um hellisbúann í nútímamanninum og hvernig hann hefur áhrif á samband hjóna og í rauninni allt sem nútímamaðurinn tekur sér fyrir hendur. Allir áhorfendur hitta sjálfa sig fyrir á einum eða öðrum stað í verkinu og það er alveg jafn fyndið í Svíþjóð og á Íslandi!

Frekari upplýsingar um sýninguna er hægt að nálgast hér.

 


Nu sätter Scalateatern i samarbete med Noab från Finland upp Grottmannen med Tomas Bolme i huvudrollen. Premiären är måndagen den 24 september.

Grottmannen har spelats i 45 länder och översatts till 18 språk. Regissören till denna uppsättning är Gunnar Helgason från Island.

Pjäsen Grottmannen är en humoristisk upptäcksfärd i skillnaden mellan kvinnor och män, och hur dessa skillnader får oss att missförstå varandra. Den är inte elak, utan humoristisk, ömsint och självironisk. Man får en spegelbild av sina misstag i olika situationer, vare sig det gäller man eller kvinna.

Mer information kan du hitta här.



Inspired by Iceland