TRUE ICELAND tók þátt í ferðasýningunni Moscow International Travel Fair, sem var haldin dagana 18.-20. maí. Þetta er í fyrsta sinn sem íslenskt fyrirtæki tekur þátt í sýningunni, sem nú var haldin í tólfta sinn. Í fyrra sóttu tuttugu og þrjú þúsund manns sýninguna. Íslandsfélagið í Moskvu átti þar einnig fulltrúa, en það selur ferðir til Íslands.

Sendiherra heimsótti Múrmansk 2.-4. maí til að vera viðstaddur opnun íslensks-rússnesks fyrirtækis, Murmansk Apama. Í heimsókninni hitti sendiherra héraðsstjóra Múrmansk héraðs, borgarstjóra Murmansk borgar og Vitaly Kasatkin, kjörræðismann Íslands.

Albert Jónsson, sendiherra, átti fund hinn 31. mars sl. með Ivan Grachev, þingmanni og formanni orkumálanefndar rússneska þingsins, Dúmunnar. Þeir ræddu samstarfsverkefni landanna og sendiherrann kynnti fyrir Grachev þróun orkuvinnslu á Íslandi.

Rússneska stórfyrirtækið MARR er að hefja innflutning á íslensku lambakjöti til Rússlands. MARR er meðal helstu dreifingarfyrirtækja til veitingastaða og hefur haldið í samstarfi við sendiráð Íslands kennslu á meðferð íslensks lambakjöts fyrir matreiðslumeistara.

Þann 20. mars. sl. átti Albert Jónsson, sendiherra, fund með Dr. Artur Chilingarov, þingmanni efri deildar rússneska þingsins, og Igor Fyodorov, ríkisstjóra Nenets sjálfstjórnarsvæðisins, þar sem rædd voru málefni norðurslóða. Dr. Chilingarov er þekktur fræðimaður á þessu sviði og brautryðjandi rannsókna á norðurslóðum. Hann er sérlegur ráðgjafi forseta Russlands a þessu sviði.

Sendiherra Íslands í Moskvu hitti 16. mars. Jón Ólafsson, stjórnarformann Icelandic Water Holdings og rússneska samstarfsmenn fyrirtækisins, sem kynntu fyrir honum innflutning á Icelandic Glacial vatni til Rússlands.

Albert Jónsson, sendiherra, og Ása Baldvinsdóttir, kona hans, heimsóttu 15. mars listadeild Moskvuháskóla. Þar tók á móti þeim Stanislav Lomov, prófessor, sem sýndi þeim deildina og kynnti þau fyrir kennurum og nemendum.

Sendiherra Íslands heimsótti nemendur i íslensku við Norræna skólann í Moskvu á föstudaginn var, 24. feb. Hann kynnti land og þjóð fyrir ríflega 20 nemendum, svaraði fyrirspurnum og tók þátt í líflegum umræðum um íslensk málefni, íslenska náttúru og íslenska tungu.

Í þessari viku hafa íslenskir matvælaframleiðendur kynnt íslenskar kjöt- og fiskafurðir á stærstu matvælasýningu Rússlands, ProdExpo í Moskvu, annað árið í röð. Sendiráð Íslands hefur tekið þátt með aðstoð við undirbúning og með því að bjóða fulltrúum helstu matvæladreifingarfyrirtækja Rússlands að kynnast íslenskum réttum.

Albert Jónsson, sendiherra, afhenti 7. desember 2011 Dmitri Medvedev, forseta Rússlands, trúnaðarbréf sitt sem sendiherra Íslands í Rússlandi.

Össur Skarphéðinsson utanríkisráðherra fundaði í dag með menningarráðherra Rússlands, Alexander Avdeyev, þar sem samningur um aukið menningarsamstarf landanna var undirritað. Þá hyggjast íslensk og rússnesk stjórnvöld  fagna 70 ára stjórnmálasambandi landanna á árinu 2013 með menningardagskrá í báðum löndum.

Í gær átti Össur Skarphéðinsson utanríkisráðherra fund með Sergei Lavrov utanríkisráðherra Rússlands í Moskvu. Fundurinn er liður í heimsókn utanríkisráðherra til Rússlands.

Í gær undirrituðu Katrín Júlíusdóttir iðnaðar-, orku- og ferðamálaráðherra og Alexander Ratko, aðstoðar ferðamálaráðherra Rússlands, samning til fimm ára um samstarf ríkjanna um ráðstafanir til að efla ferðamannastraum milli landanna.

Hljómsveitin Hjálmar hélt tónleika í B2 klúbbnum í Moskvu 5. og 6. október við góða aðsókn og góðar undirtektir áhorfenda. Þriðju tónleikar Hjálma í Rússlandi að þessu sinni verða í St. Pétursborg 7. október.

Spænsk - íslenska listatvíeykið Libia Castro og Ólafur Ólafsson eru fulltrúar Íslands á tvíæringnum að þessu sinni með sýninguna “Under deconstruction”.

Utankjörfundaratkvæðagreiðsla erlendis vegna þjóðaratkvæðagreiðslu, um framtíðargildi laga nr. 13/2011 sem fram fer 9. apríl 2011, hefst 16. mars n.k. og fer fram í öllum sendiráðum Íslands.

Samkvæmt fréttatilkynningu innanríkisráðuneytisins 25. febrúar s.l. mun þjóðaratkvæðagreiðsla um Icesave-lögin fara fram 9. apríl n.k.

Jóhanna Sigurðardóttir forsætisráðherra er í öðru sæti á lista fréttatímaritsins Time yfir tíu helsu kvenleiðtoga heims.

Ilona Vasilieva hefur tekið við starfi viðskiptafulltrúa við sendiráð Íslands í Moskvu af Yuri Korolev, sem hafið hefur störf hjá íslenska fyrirtækinu Álasund. Ilona er hagfræðingur að mennt með mastersnám í alþjóðaviðskiptum og hefur starfað síðustu fimm ár sem viðskiptafulltrúi við sendiráð Ástralíu

Spænsk-íslenska listamannatvíeykið Libia Castro og Ólafur Ólafsson hefur verið valið til að sýna fyrir Íslands hönd á Feneyjatvíæringnum, La Biennale di Venezia 2011.