Leiðbeiningar um íslensk vegabréf

Sendiráðið vill vekja athygli á því að frá og með 1.mars 2013 gilda vegabréf 18.ára og eldri í 10.ár í stað 5.ára.

Efnisyfirlit

 

Umsókn um íslenskt vegabréf

Afgreiðslutími fyrir vegabréf í sendiráði Íslands í Osló er frá 10-15 alla virka daga.

Vinsamlega pantið tíma hjá sendiráðinu fyrirfram í síma 23 23 75 30.

Þegar sótt er um vegabréf þarf að sýna eftirfarandi gögn:

  • Eldra vegabréf
  • Sjá upplýsingar um sérstakar reglur fyrir 18.ára og yngri (sjá neðar)

Umsækjandi þarf að koma í sendiráðið í eigin persónu þar sem lífkennamynd er tekin af viðkomandi á staðnum. Þar með er óþarfi að koma með passamynd.Umsækjendur yfir 10 ára þurfa að vita hæð sína.

Gjald fyrir vegabréf er NOK 540 fyrir 18-66 ára en NOK 250 fyrir aðra. Hægt er að greiða fyrirfram í banka/netbanka inn á reikning sendiráðsins nr.: 6074.06.32704 í Nordea Bank. Vinsamlega prentið út kvittun fyrir greiðslu og hafið meðferðis, ellegar sendið kvittunina á emb.oslo@mfa.is. Hægt er að greiða með norskum debitkortum, ekki er tekið við greiðslum með kreditkortum né íslenskum debitkortum.  

Vegabréfin eru útbúin á Íslandi og póstsend á heimilisfang umsækjanda, framleiðsla á vegabréfinu tekur 5 virka daga, vegabréfin ættu því að vera komin í hendur umsækjanda 10 - 15 dögum eftir að sótt er um. Frekari upplýsingar er hægt að finna hér. Vegabréfin eru ekki send með ábyrgðapósti.

Vakin er athygli á því að ræðismenn geta ekki lengur tekið við umsóknum um vegabréf. Ræðismenn geta eftir sem áður framlengt vegabréf (einungis er hægt að framlengja vegabréfi um eitt ár framyfir þá dagsetningu er vegabréfið gekk úr gildi).

Hægt er að sækja um skyndiútgáfu á vegabréfi og þá er tekið hærra verð (NOK 1.070) fyrir afgreiðsluna, þá er vegabréfið útbúið samdæguð á Íslandi og póstsent á heimilsfang umsækjanda, hægt er að reikna með að fá vegabréfið innan 3-4 virkra daga.

Leyfilegt er að koma með mynd af umsækjanda á USB lykli, myndin þarf að vera tekin hjá ljósmyndara, ekki er leyfilegt að koma með mynd að heiman. Ekki er leyfilegt að átt hafi verið við myndina.

Vegabréf fyrir 18 ára og yngri

Þegar sótt er um vegabréf fyrir barn yngra en 18 ára eiga báðir forsjármenn að mæta, ásamt barni, til þess að sækja um vegabréfð. Báðir forsjármenn þurfa að skrifa undir þar til gert skjal til að samþykkja útgáfu vegabréfsins. Ef annar forsjármaður barns getur ekki mætt skal hann rita samþykki sitt á skjalið sem þarf þá vottun tveggja einstaklinga yfir 18 ára. Einnig þarf að fylgja afrit af skilríkjum þar sem fram kemur mynd, kennitala og ríkisfang.

Fari aðili einn með forsjá barns er undirskrift hans nægjanleg vegna umsóknar um vegabréf og staðfestir Þjóðskrá Íslands að viðkomandi fari einn með forsjá. Sé viðkomandi búsettur erlendis þarf staðfestingu frá þjóðskrá í búsetulandi. Sjá frekari upplýsingar á heimasíðu Þjóðskrár á Íslandi.

Barn sem fætt er erlendis og hefur ekki fengið útgefið vegabréf áður, þarf að hafa verið skráð sem íslenskur ríkisborgari í Þjóðskrá og fengið úthlutað kennitölu. Meðferðis þarf að hafa fæðingavottorð barnsins og upplýsingar um íslenska kennitölu.

Umsókn um íslenskan ríkisborgararétt fyrir barn fætt erlendis eftir 1. október 1998, sem á íslenskan föður, sem ekki var í hjúskap með móður við fæðingu barns, þarf að sækja um ríkisborgararétt hjá Útlendingastofnun. Hér má nálgast þá umsókn.

Leyfilegt er að koma með mynd af umsækjanda á USB lykli, myndin þarf að vera tekin hjá ljósmyndara, ekki er leyfilegt að koma með mynd að heiman. Ekki er leyfilegt að átt hafi verið við myndina. 

Nafnbreytingar

Ef umsækjandi hefur tekið upp nýtt eftirnafn eða breytt á einhvern hátt nafni sínu þarf að vera búið að ganga frá tilkynningu um slíkt til Þjóðskrá. Slíkt gerist ekki sjálfkrafa þó makar taki upp nafn hvors annars til dæmis við hjónavígslu í Noregi.

Umsækjendum er bent á að sannreyna að nafn þeirra sé skráð í Þjóðskrá eins og óskað er að það komi fram í vegabréfi, sé ástæða til að ætla að um misræmi gæti verið að ræða.

 

Gjaldskrá sendiráðsins

18-66 ára:

Passa teg. Afhending Verð
Vegabréf 10 - 15 d. 540
Skyndiútgáfa 4.dagar 1.070
Neyðarvbr. sótt 270
Ökuskirteini 5.vikur 310

 

 

 

 

Aðrir:

Passa teg. Afhending Verð
Vegabréf 10 - 15 d. 250
Skyndiútgáfa 4.dagar 480
Neyðarvbr. sótt 120
Ökuskirteini 5.vikur 90

 

 

 

 

Reikningur sendiráðsins nr.: 6074.06.32704 í Nordea Bank.

 

Neyðarvegabréf

 Að gefnu tilefni er eftirfarandi ítrekað: “Í ársbyrjun 2009 voru hertar reglur um útgáfu neyðarvegabréfa. Nú er ekki lengur næg ástæða að hafa gleymt vegabréfinu heima eða gleymt að endurnýja það. Þeim sem eru á leið í utanlandsferð er vinsamlegast bent á að endurnýja vegabréf sín tímanlega fyrir brottför, geyma þau á vísum stað og ganga úr skugga um að þau séu meðferðis áður en lagt er af stað heiman frá.” Tekið af heimasíðu Þjóðskrár

 

Þarf vegabréf til að ferðast á milli Norðurlandanna

Í ljósi samkomulags um norrænt vegabréfafrelsi, má líta sem svo á að vegabréf séu ekki nauðsynleg í ferðum milli Norðurlandanna og því ættu önnur persónuskilríki og gögn að duga samkvæmt því.  Hvað gögn varðar má t.d. nefna fæðingarvottorð barns. Hins vegar er öllum ríkjum heimilt að krefjast vegabréfa, ef sérstakar aðstæður kalla á aukið öryggiseftirlit.  Það er því eindregið mælt með því að foreldrar eða forsjármenn barna afli vegabréfa fyrir þau áður en lagt er upp í ferðir til Norðurlandanna, til að tryggja að ekki komi upp vandamál við komu og brottför, hvort heldur er hér heima eða erlendis. (Heimild:  Lögreglan: Spurt og svarað – vegabréf )

Athygli er vakin á því á að það getur tekið um mánuð eftir fæðingu barns að fá afgreitt fæðingavottorð frá norsku þjóðskránni.

Aðrar upplýsingar um vegabréf fyrir börn og/eða ferðalög innan Norðurlanda:

 

Þjónusta ræðismanna

Vakin er athygli á því að ræðismenn geta ekki lengur tekið við umsóknum um vegabréf.

Ræðismenn geta eftir sem áður haft milligöngu um útgáfu neyðarvegabréfa, ferðaskilríkja og framlengingu vegabréfa eftir því sem við á í sérstökum neyðartilfellum.

 

Glatað vegabréf

Glatist vegabréf er mikilvægt að tilkynna það við fyrsta tækifæri, vinsamlega fyllið út tilheyrandi eyðublað sem má finna hér og sendið til sendiráðsins emb.oslo@mfa.is

 

Eyðublöð 

Aðrar upplýsingar varðandi vegabréf



Inspired by Iceland