Aðstoðarmál á sviði borgaraþjónustunnar

Sendiráð Íslands leggur lið bæði þeim Íslendingum sem búsettir eru í Noregi, námsmönnum og ferðamönnum.
 
Verkefni sendiráðsins á sviði borgaraþjónustunnar eru margvísleg og aðstoð sendiráðsins getur verið með ýmsum hætti. Algengast er að fólk leiti til sendiráðsins vegna samskipta við hin ýmsu stig norskrar stjórnsýslu, svo og vegna útgáfu vegabréfa, neyðarvegabréfa, ökuskírteina o.þ.h.
 
Þó verkefni borgaraþjónustunnar verði ekki talin hér upp með tæmandi hætti má segja að þeim séu sett ákveðin mörk. Hafa ber í huga að hér er um að ræða aðstoð til íslenskra ríkisborgara, sem að mörgu leyti felst í því að leiðbeina þeim svo þeir geti leyst mál sín sjálfir.
 
Að gefnu tilefni skal það tekið fram að sendiráðið veitir enga fjárhagsaðstoð af nokkru tagi.
Sjá frekari upplýsingar um borgaraþjónustu utanríkisráðuneytisins hér.

Video Gallery

View more videos