Íslenski söfnuðurinn í Noregi stendur fyrir hátíðinni og býður alla velkomna að taka þátt í hátíðarhöldunum nú þegar 150 ár eru liðin frá fæðingu Ólafíu. Dagskrá hátíðarinnar hefst laugardaginn 8. júní með "Ólafíugöngu" undir leiðsögn Sigríðar Dúnu Kristmundsdóttur, prófessors og fyrrum sendiherra Íslands í Noregi. Gangan hefst kl. 14 við styttu wergeland á milli Stortinget og Nationaltheatret. Gengið verður um slóðir Ólafíu og fjallað um líf hennar og störf. Göngunni lýkur við Ólafíustofu við Pilestredet Park, þar sem boðið verður upp á léttar veitingar. Á sunnudeginum 9. júní kl. 14 verður sérstök messa í tilefni af Ólafíuhátíð i Nordberg kirkju og þar mun Sigríður Dúna lesa upp úr ævisögu Ólafíu.

Hafdís Vigfúsdóttir mun ljúka mastersprófi í flautuleik frá Norges Musikkhøgskole í Osló nú í vor. Lokatónleikarnir hennar verða haldnir miðvikudaginn 29. maí kl. 20:00 í skólanum, sem er til húsa á Slemdalsveien 11 á Majorstuen. Aðgangur er ókeypis og þangað eru allir velkomnir. Hafdís mun hita upp með tónleikum í St.Edmunds Church, sem stendur við Møllergata 30 í miðborg Oslóar. Þeir tónleikar verða laugardaginn 18. maí kl. 17:00 og þangað eru allir velkomnir gegn 50 kr aðgangseyri.

Sendiráð Íslands í Osló verður lokað fimmtudaginn 9. maí 2013 vegna opinbers frídags, uppstigningardagur. Við minnum á að utan opnunartíma er ávalt hægt að hringja í neyðarnúmer utanríkisráðuneytisins sem er + (354) 545 9900. Sendiráðið opnar aftur föstudaginn 10. maí klukkan 10.

Laugardaginn 4. maí sýnir Oslo Spirituelle Filmklubb myndina Future of Hope. Myndin er heimildarmynd sem kom út árið 2010, þar sem rætt er við nokkra Íslendinga um land og þjóð. Meðal annars er rætt um náttúruna, umhverfið og stóriðju. Á meðal viðmælenda eru Vigdís Finnbogadóttir, Andri Snær Magnason og fleiri.

Sendiráð Íslands í Osló verður lokað miðvikudaginn 1. maí 2013 vegna opinbers frídags, frídagur verkalýðsins. Við minnum á að utan opnunartíma er ávalt hægt að hringja í neyðarnúmer utanríkisráðuneytisins sem er + (354) 545 9900. Sendiráðið opnar aftur fimmtudaginn 2. maí klukkan 10.

Sendiráð Íslands í Osló verður lokað fimmtudaginn 25. apríl 2013 vegna opinbers frídags á Íslandi, sumardagurinn fyrsti. Við minnum á að utan opnunartíma er ávalt hægt að hringja í neyðarnúmer utanríkisráðuneytisins sem er + (354) 545 9900. Sendiráðið opnar aftur föstudaginn 26. apríl klukkan 10. Gleðilegt sumar!

Utanríkisráðuneytið auglýsir starfsnám í utanríkisþjónustunni. Markmið starfsnámsins er að gefa ungu fólki sem er að hefja starfsferil sinn færi á að kynnast störfum utanríkisþjónustunnar. Starfsnámið er ætlað fólki sem hefur lokið BA/BS-gráðu og er í, hyggur á, eða hefur nýlokið meistaranámi í grein sem tengist málefnasviði utanríkisþjónustunnar.

Starfakynning og ráðstefna um atvinnumál ungs fólks á Norðurlöndunum. Tími: mánudagurinn 22. apríl kl. 9 - 16 Staður: Voksenåsen ráðstefnumiðstöð, Ullveien 4 Skráning: mikael.klingberg@voksenaasen.no fyrir 19. apríl

Í sendiráði Íslands í Osló, Stortingsgata 30, er hægt að kjósa milli kl. 13 og 15 alla virka daga fram að kosningum. Til viðbótar verður opið fyrir kosningar í sendiráðinu fimmtudaginn 18. apríl frá kl. 13:00 til 18:00 og mánudaginn 22. apríl frá kl. 13:00 til 20:00.

Sérstök frumsýning á kvikmynd Baltasars Kormáks Djúpinu verður í Gimle bíóhúsinu þann 8. apríl klukkan 17:30. Baltasar mun vera á staðnum og taka á móti gestum. Áður en sýningin hefst mun Christian Berg spjalla við leikstjórann um myndina og gerð hennar.

Tom Cruise var á Íslandi við tökur á nýjustu kvikmynd sinni Oblivion. Hann varð mjög hrifinn af Ísland og náttúrunni. Framleiðendur myndarinnar gerðu myndband þar sem þú getur fylgst með tökum á Íslandi í einn dag.

Dagana 22., 23. og 25. apríl verður haldin frumkvöðlavika í Osló á vegum Oslóarborgar. Þessi viðburður er sniðinn fyrir einstaklinga og fyrirtæki sem hafa áhuga á að reyna fyrir sér á norskum markaði. Fyrirlestrarnir eru frá 17 - 20 öll kvöldin og fara allir fram á ensku.

Myndböndunum er ætlað að auðvelda kjósendum og þeim sem vinna við utankjörfundar-atkvæðagreiðslu framkvæmdina

Þjóðhátíðargjöf Norðmanna er styrktarsjóður sem úthlutar uppsöfnuðum vöxtum að þjóðargjöf Noregs til íslensku þjóðarinnar í tilefni af 1100 ára afmæli Íslandsbyggðar árið 1974. Styrkir voru fyrst veittir úr sjóðnum árið 1976. Sjóðurinn starfar samkvæmt staðfestri skipulagsskrá nr. 279/1975. Með breytingu nr. 988/2009.

Innanríkisráðuneytið hefur látið gera leiðbeiningarmyndbönd um framkvæmd atkvæðagreiðslu utan kjörfundar á íslensku og ensku. Myndböndunum er ætlað að auðvelda kjósendum og þeim sem vinna við utankjörfundaratkvæðagreiðslu framkvæmdina.

Fjármála- og efnahagsráðuneytið hefur sent framkvæmdastjórn Evrópusambandsins skýrslu um íslensk efnahagsmál (Pre-Accession Economic Programme). Skýrslan er hluti af undirbúningi aðildarumsóknar og verður sambærilegri skýrslu skilað árlega á meðan á því ferli stendur. Skýrslan er skrifuð samkvæmt sniðmáti Evrópusambandsins og ætlað að auðvelda umsóknarríkjunum að taka þátt í efnahagssamstarfi sambandsins ef af inngöngu verður.

Össur Skarphéðinsson utanríkisráðherra hefur lagt fram árlega skýrslu sína um utanríkis- og alþjóðamál til Alþingis. Skýrslan er hin fimmta sem ráðherra leggur fram frá því að hann tók við embætti í byrjun árs 2009.

Hljómsveitin Sykur kemur til Noregs í mars og heldur þrenna tónleika víðavegar um landið. Bergen 14. mars, Stord 15. mars og Osló 16. mars.

Í sendiráðinu í Osló verður hægt að kjósa alla virka daga fram að kosningum milli kl. 13 og 15, sérstakir kjördagar með lengdum opnunartíma verða svo í vikunni fyrir kosningar, frekari upplýsigar koma síðar.