Myndböndunum er ætlað að auðvelda kjósendum og þeim sem vinna við utankjörfundar-atkvæðagreiðslu framkvæmdina

Dómur EFTA-dómstólsins í Icesave- málinu felur í sér að Ísland er sýknað af kröfum ESA um að vera lýst brotlegt við EES-samninginn. Dómstóllinn hafnar því að íslensk stjórnvöld hafi brotið gegn tilskipun um innstæðutryggingar eða mismunað innstæðueigendum. Það er mikið ánægjuefni að málstaður Íslands hafi orðið ofan á í Icesave-málinu og með niðurstöðu EFTA-dómstólsins er lokið mikilvægum áfanga í langri sögu.

Innanríkisráðuneytið vill vekja athygli íslenskra ríkisborgara sem búið hafa erlendis um tiltekinn tíma á því að huga að því hvort þeir eru á kjörskrá. Þeir sem búið hafa erlendis og fluttu lögheimili sitt fyrir meira en átta árum falla af kjörskrá að þeim tíma liðnum nema þeir sæki sérstaklega um að fá að halda kosningarrétti.

Kynningarvefur Lagastofnunar Háskóla Íslands, gerður að beiðni forsætisnefndar Alþingis, um þjóðaratkvæðagreiðsluna 20. október nk., hefur verið opnaður.

Spænsk - íslenska listatvíeykið Libia Castro og Ólafur Ólafsson eru fulltrúar Íslands á tvíæringnum að þessu sinni með sýninguna “Under deconstruction”.

Utankjörfundaratkvæðagreiðsla erlendis vegna þjóðaratkvæðagreiðslu, um framtíðargildi laga nr. 13/2011 sem fram fer 9. apríl 2011, hefst 16. mars n.k. og fer fram í öllum sendiráðum Íslands.

Samkvæmt fréttatilkynningu innanríkisráðuneytisins 25. febrúar s.l. mun þjóðaratkvæðagreiðsla um Icesave-lögin fara fram 9. apríl n.k.

Jóhanna Sigurðardóttir forsætisráðherra er í öðru sæti á lista fréttatímaritsins Time yfir tíu helsu kvenleiðtoga heims.

Í dag var undirritaður í Nýju Delí á Indlandi loftferðasamningur milli Íslands og Indlands að viðstöddum Ólafi Ragnari Grímssyni, forseta Íslands, og Manmohan Singh, forsætisráðherra Indlands.

Spænsk-íslenska listamannatvíeykið Libia Castro og Ólafur Ólafsson hefur verið valið til að sýna fyrir Íslands hönd á Feneyjatvíæringnum, La Biennale di Venezia 2011.

Athygli sendiskrifstofa er vakin á breytingu sem samþykkt var á Alþingi í gær á lögum um kosningar til Alþingis, nr. 24/2000. Breytingin heimilar íslenskum ríkisborgurum sem búsettir hafa verið erlendis lengur en 8 ár og vilja kjósa í Alþingiskosningunum 2009 að sækja um kosningarétt sinn til Þjóðskrár til 25. mars nk.

Hönnuðurinn Katrín Ólína hlaut hin virtu Forum Aid Verðlaun í gær fyrir hönnun sína á Cristal Bar í Hong Kong, en verðlaunin eru stærstu norrænu verðlaunin innan hönnunar og arkitektúrs.

Sendiráð Íslands á Indlandi stendur þessar vikurnar fyrir íslenskri menningardagskrá í Nýju Dehlí þar sem áhersla er lögð á að kynna íslenskar kvikmyndir, bókmenntahefð og ljósmyndir. Dagskráin hófst með opnun kvikmyndahátíðar þann 3. nóvember, en alls eru sýndar 12 íslenskar kvikmyndir í samvinnu við India International Centre og India Habitat Centre, tveimur af þekktum menningarstofnunum borgarinnar.

The Consular Affairs Unit of the Ministry for Foreign Affair’s "Borgarathjonustan" is responsible for the safeguarding of the interests and safety of Icelandic citizen abroad. The unit can be reached throughout the year, 24 hours a day, under the phone number + 354 - 545 9900 or under the homepage: http://www.utanrikisraduneyti.is/borgarathjonusta.

Utankjörfundaratkvæðagreiðsla vegna alþingiskosninga 12. maí 2007 hófst 17. mars sl. og fer fram í öllum sendiráðum Íslands erlendis, fastanefnd Íslands hjá Evrópuráðinu og aðalræðisskrifstofum Íslands í New York, Winnipeg og Þórshöfn í Færeyjum (frá 2. apríl). Íslenskir ríkisborgarar á Indlandi geta kosið utankjörstaðar hjá sendiráði Íslands í Delí á skrifstofutíma, og hjá kjörræðismanni Íslands í Chennai, skv. samkomulagi.

Í tilefni frétta af viðvörun bandaríska sendiráðsins á Indlandi, um að hryðjuverkaárásir kunni að vera yfirvofandi í Nýju-Delí og í Mumbai, vill sendiráðið minna á að unnt er að  ná í neyðarsíma sendiráðsins í gegnum sólarhringssíma utanríkisráðuneytisins, 5459900.