Generalkonsuuleqarfik pillugu paasissutissat 

Islandip Nuummi Generalkonsuuleqarfia novemberip arfineq pingajuanni 2013-imi pisortatigoortumik ammaanersiorneqarpoq, taamanikkut Islandimi Nunanut Allanut Naalakkersuisup Gunnar Bragi Sveinsson-ip aamma Kalaallit Nunaanni Naalakkersuisut Siulittaasorisimasaata Aleqa Hammond-ip allaffeqarfiup Nuummi Hans Egedesvej 9-miittup ilisarnaataa uleerpaat.

Island tassaavoq Nunatsinni siullersaalluni pisortatigoortumik aallartitaqarfeqartoq, taamaakkaluartoq nunanit allaneersunik pisortatigoortuunngitsunik aallartitaqarfeqarpoq.

Allaffeqarfiup makku naammassisassarai: Kalaallit Nunaata Islandillu akornanni attaveqatigiinnerup ikinngutigiinnerullu annertusarnissaat, Island-ermiunik Kalaallit Nunaannittunik sullissinissaq, nunat qanittoriit akornanni niuernerup nittarsaannissaa. Aammalu Island-ip Island-imilu piorsarsimassutsip Kalaallit Nunaannut nittarsaannissaa.

Generalkosuuleqarfittaaq nammineerluni Naalakkersuisoqarnerup ataani Kalaallit Nunaanni oqartussanik suleqateqartussaatitaavoq, tassani pineqarput apeqqutit issittormiooqatigiinnermut tunngassuteqartut suleqatigiiffissat, aammalu Nunat Avannarliit Killiit Suleqatigiiffianni suleqatigiinnissaq.

Video Gallery

View more videos