Íslenski skólinn

Starfsemi íslenska skólans veturinn 2009 – 2010 hefst laugardaginn 3. október kl. 10:30.

Áætlaðir kennslutímar yfir skólaárið er sem hér segir:


2009

3. og 17. október
7. og 21. nóvember 
5. eða 6. des. Jólaball   
12. desember                       

2010

16 og 30. janúar
13. febrúar
13. og 27. mars
10. apríl
8. og 22. maí
                              

Eins og áður verður kennt í tvær klukkustundir í senn og hefst kennsla stundvíslega kl. 10:30.  Kennt verður í þremur hópum í ár, þ.e. frá 3ja-5 ára, 6-8 ára og  9-13 ára.

Kennslustaður er óbreyttur:  Sænski skólinn, 9, rue Médéric, 75017 París, metró Courcelles.  Gengið er inn um innganginn hjá sænsku kirkjunni á hægri hönd og farið upp hringstigann (eða í lyftu).   

Markmið skólans eru sem fyrr að gefa íslenskum börnum í París tækifæri til að eiga samskipti á íslensku, að læra að lesa og skrifa á íslensku með hliðsjón af grundvallaratriðum íslenskrar málfræði og að kynnast íslenskri sögu og menningu.

Skólagjöld eru óbreytt frá fyrra ári:  Fyrir eitt barn 130 evrur, fyrir tvö börn 190 evrur og 250 evrur fyrir 3 börn eða fleiri.  Skólagjöldin verða innheimt í fyrsta kennslutíma.  Þeim sem óska eftir að tvískipta greiðslunni, stendur til boða að inna síðari greiðsluna af hendi á fyrsta kennsludegi eftir áramót.



Video Gallery

View more videos