Kvikmyndin Skrapp út eftir Sólveigu Anspach með Diddu Jónsdóttur í aðalhlutverki verður sýnd á ARTE miðvikudagskvöldið 16. maí kl. 23:05. Gamanmynd um Önnu Hallgrímsdóttir, skáld, uppvaskara og marijuana- sölukonu. Anna á tvo drengi sem hún elur upp sjálf. Hún vill hins vegar fara frá Íslandi því henni finnst of kalt og ekki nógu mikil sól hérna. En til þess að geta farið þarf hún hins vegar að selja fyrirtækið sitt. Nokkrar sögur fléttast svo saman.

Utankjörfundaratkvæðagreiðsla erlendis, vegna forsetakosninga sem fara fram 30.júní 2012, hefst 7. maí n.k. og fer fram í öllum sendiráðum Íslands erlendis. Í sendiráðinu í París verður hægt að kjósa á opnunartíma sendiráðsins, alla virka daga frá 9:30-16:30.

Air d’Islande 2012 lauk með glæsibrag í París á sunnudagskvöldið. Mikil stemming var á helstu tónlistarviðburðum hátíðarinnar, Iceland Airwaves tónleikum sem haldnir voru fyrir fullu húsi á Point Ephémère og stórskemmtilegu rokkkvöldi þar sem hljómsveitir á vegum Kimi Records hristu vel upp í Parísarbúum.

Íslenska menningarhátíðin Air d’Islande býður Parísarbúum upp á tónlist, kvikmyndir og samtímalist frá Íslandi fram til 15. apríl. Þetta er fjórða árið í röð sem hátíðin er haldin og hefur dagskráin aldrei verið viðameiri.

Sendiráðið verður lokað á skírdag, 5. apríl, föstudaginn langa, 6. apríl og annan í páskum, 9. apríl. Gleðilega páska!

Íslensk og frönsk stjórnvöld munu stórauka samstarf um norðurslóðarannsóknir. Þetta kom fram á fundi Össurar Skarphéðinssonar utanríkisráðherra með Alain Juppé utanríkisráðherra Frakklands í París í dag og var nánar útfært á fundi ráðherra með Michel Rocard fyrrverandi forsætisráðherra og sérlegum sendiherra Frakka í málefnum heimskautasvæðanna.

Nemendur í fatahönnun við Listaháskóla Íslands ásamt fagstjóranum Lindu Björg Árnadóttur, heimsóttu sendiráðið mánudaginn 13. febrúar sl.

Frumsýnd í dag á vefstæði spænska stórblaðsins El País : http://cultura.elpais.com/cultura/2012/02/09/actualidad/1328792258_159342.html

Mánudagskvöldið 16. janúar næstkomandi munu matreiðslumeistararnir Hákon Már Örvarsson og Gunnar Karl Gíslason bjóða upp á sannkallaða íslenska sælkeramáltíð á veitingastaðnum Les Grandes Tables du 104 í 19. hverfi Parísar. Hákon Már hlaut bronsverðlaun í hinni frægu frönsku matreiðslukeppni Bocuse d'Or árið 2001 og Gunnar Karl er matreiðslumeistari á veitingastaðnum Dill í Reykjavík, sem tilnefnt var á dögunum til The Nordic Prize verðlaunanna sem besta veitingahús á Norðurlöndunum.

Gleðileg jól!

Sendiráðið átti samvinnu við Evrópusamtökin Iles-et-Vilaines í Bretagne og borgaryfirvöld í Paimpol um málþing um Ísland í Paimpol 19. nóvember sl.. Markmið málþingsins var að kynna Ísland með áherslu á orkuvinnslu, sjávarútveg og menningarmál. Málþingið hlaut heitið "Ísland og ESB: kynnumst betur". Allt að eitt hundrað manns sóttu málþingið.

Jólaball íslenska skólans verður haldið laugardaginn 3. desember nk. kl. 15:00 - 17:00 í salarkynnum dönsku kirkjunnar í París, 17, rue Lord Byron, 8. hverfi Parísar. Metró Georg V eða Etoile.

Þann 14 október síðastliðinn undirrituðu sendiherrar Norðurlandanna upplýsingaskiptasamning á sviði skattamála við Bahrein. Fór athöfnin fram í embættisbústað sendiherra Íslands í París.

Í tilefni af fundi á vegum UNESCO í Reykjavík 19. – 21. október, afhenti fulltrúi samtakanna Svandísi Svavarsdóttur, umhverfisráðherra og mennta- og menningarmálaráðherra, sérstakt skjal sem staðfestir Surtsey, sem stað á heimsminjaskrá UNESCO.

Alliance française á Íslandi fagnaði aldarafmæli félagsins þann 16. október síðastliðinn. Af því tilefni kom Jean-Claude Jacq, framkvæmdastjóri Alliance française á heimsvísu, til landsins og veitti Vigdísi Finnbogadóttur, fyrrverandi forseta Íslands, heiðurspening Alliance française.

Tónleikar FM Belfast í Caen og París 19. og 20. nóvember nk.

La lettre d'information de l'Ambassade d'Islande du mois d'octobre 2011.

Dagana 23.-25. september 2011 fór fram árleg Íslandshátíð í Gravelines í Norður Frakklandi, vinabæ Fáskrúðsfjarðar. Að þessu sinni var sérstaklega haldið upp á 20 ára vinabæjasamstarf bæjanna tveggja. Fáskrúðsfjörður og Gravelines tengjast með sögulegum hætti. Seinni hluta 19. aldar og fram á þá 20. var Fáskrúðsfjörður ein helsta bækistöð franskra sjómanna á landinu og óvíða á Íslandi er að finna jafn miklar minjar tengdar þeim, s.s. hús, grafreiti o.fl.

Starfsemi íslenska skólans veturinn 2011 – 2012 hefst laugardaginn 8. október kl. 10:30. Markmið skólans eru sem fyrr að gefa íslenskum börnum í París tækifæri til að eiga samskipti á íslensku, að læra að lesa og skrifa á íslensku með hliðsjón af grundvallaratriðum íslenskrar málfræði og að kynnast íslenskri sögu og menningu.

Berglind Ásgeirsdóttir, sendiherra, opnaði ljósmyndasýningu Maríu Kjartans í París þann 20. september síðastliðinn. Fjölmennt var við opnunina og voru gestir sammála um ágæti sýningarinnar. Sendiherra sagði í ræðu sinni að það væri henni mikil ánægja að kynna hina ungu hæfileikaríku listakonu Maríu Kjartans fyrir Frökkum.