Utankjörfundarkosning er hafin

Utankjörfundaratkvæðagreiðsla erlendis vegna forsetakosninga 25. júní 2016 er hafin og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórhöfn í Færeyjum.  Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis, samanber meðfylgjandi lista.

Hægt er að kjósa í sendiráðinu í París (52, avenue Victor Hugo, 75116 Paris) alla virka daga kl. 9:30-15:30.

Þeim sem hyggjast kjósa á ræðisskrifstofum er vinsamlegast bent á að hafa samband við ræðismenn áður en þeir koma til að kjósa.  Gert er ráð fyrir að kjósendur kynni sér sjálfir hverjir eru í framboði.  Hagnýtar upplýsingar um kosningarnar verður að finna á vefnum www.kosning.is

Athygli kjósenda er ennfremur vakin á því, að þeim ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi.

Listi yfir hvar er hægt að kjósa erlendis.

Video Gallery

View more videos