03.12.2013

Kvikmyndin Djúpið sýnd í Norðurlandahúsinu

Fiskibátur heldur á haf út fyrir dögun á köldum vetrarmorgni, mannaður fámennri áhöfn, sem ýmist fleygir sér í koju eða heldur sér vakandi á kaffi og sígarettum. Kvikmyndin Djúpið er eftir Baltasar Kormák og er lauslega byggð á samnefndu leikverki Jóns Atla Jónassonar, en það var aftur innblásið af þeim einstæða atburði, þegar Guðlaugur Friðþórsson náði að bjarga lífi sínu, einn áhafnarmeðlima, eftir að Hellisey VE503 hvolfdi seint að kvöldi sunnudagsins 11. mars árið 1984. Nokkrir komust á kjöl en það leið ekki langur tími áður en báturinn sökk. Veður var stillt, frost og stjörnubjart þessa nótt; sjórinn ískaldur. Þegar Guðlaugur bankaði örmagna upp á í húsi í jaðri byggðarinnar í Vestmannaeyjum í bítið morguninn eftir og tilkynnti um hvað gerst hefði um nóttina, kom í ljós hvílíka þolraun hann hafði gengið í gegnum. Ekki var nóg með að hann hefði horft á eftir félögum sínum, heldur synt á sex klukkustundum rúmlega fimm kílómetra leið í ísköldum sjónum og síðan gengið berfættur yfir úfið og oddhvasst hraun uns hann komst að fyrsta húsinu. Kvikmyndin Djúpið fjallar í aðra röndina um atburði þá sem gerðust þessa nótt, en hún gefur okkur einnig innsýn inn í líf íslenskra sjómanna í gegnum tíðina og hinar óblíðu aðstæður sem þeir og fjölskyldur þeirra hafa búið við í sjávarplássum um allt land við að draga björg í bú.
 
Kvikmyndin verður sýnd í Norðurlandahúsinu, miðvikudaginn 4. deseber kl. 19.30
Sjá nánar: www.nlh.fo
Sjá meira um kvikmyndina hér: http://www.europeanfilmawards.eu/en_EN/film/1052


Inspired by Iceland