Kosningar

Alþingiskosningar 2017: Utankjörfundaratkvæðagreiðsla hafin

Utankjörfundaratkvæðagreiðsla vegna alþingiskosninga 28. október 2017 hófst á aðalræðisskrifstofunni 20. september.
Aðalræðisskrifstofan tekur á móti kjósendum alla virka daga milli kl. 10:00 - 15:00.

Kjósendur eru beðnir um að framvísa íslenskum persónuskilríkjum með mynd, þ.e. vegabréfi eða ökuskírteini.

Gert er ráð fyrir að kjósendur kynni sér sjálfir hverjir eru í framboði og hvaða listabókstafir eru notaðir. Stjórnmálaflokkar hafa frest til 13. október til að skila framboðslistum til kjörnefndar og verða upplýsingar birtar um þá í kjölfarið.

Hagnýtar upplýsingar um kosningarnar má finna á www.kosning.is.

Athygli kjósenda er ennfremur vakin á því að þeim ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi, þ.e. fyrir eða í síðasta lagi laugardaginn 28. október. Síðasti dagur til að kjósa á aðalræðisskrifstofunni er föstudagurinn 27. október.

Sjá nánar kosningavef dómsmálaráðuneytisins:

https://www.kosning.is/althingiskosningar-2017/

 

Video Gallery

View more videos