15.03.2006

Afhending trúnaðarbréfs í Slóveníu

Í dag afhenti Kristinn F. Árnason, sendiherra, Janez Drnovsek, forseta Slóveníu, trúnaðarbréf sitt sem sendiherra Íslands gagnvart Slóveníu, með aðsetur í Genf. Athöfnin fór fram í forsetahöllinni í Ljubljana, höfuðborg landsins.

Sendiherra átti einnig fundi með ýmsum ráðamönnum í Slóveníu, þar sem rædd voru bæði tvíhliða samskipti landanna og ýmis alþjóðamál.

Mjög góð og vinsamleg samskipti eru milli ríkjanna og hafa verið frá því að Slóvenía hlaut sjálfstæði árið 1991. Á síðustu árum hafa ríkin skipst á heimsóknum bæði forseta og forsætisráðherra, og ýmissa annarra ráðamanna.

Slóvenía varð aðili að bæði Atlantshafsbandalaginu og Evrópusambandinu í maí árið 2004 og fer með formennsku í Evrópusambandinu fyrri hluta ársins 2008.





Inspired by Iceland