26.03.2014

Utankjörfundaratkvæðagreiðsla vegna sveitarstjórnarkosninga 31. maí 2014

Atkvæðagreiðsla fer fram í Þýskalandi utan kjörfundar í sendiráði Íslands í Berlín og hjá ræðismönnum og hefst formlega mánudaginn 7. apríl nk.

Í sendiráðinu í Berlín er hægt að kjósa alla virka daga frá kl. 09:00-16:00, en til hagræðingar eru væntanlegir kjósendur vinsamlegast beðnir um að gera boð á undan sér. Jafnframt er unnt að kjósa hjá ræðismönnum Íslands og eru væntanlegir kjósendur vinsamlegast beðnir um að hafa samband við viðkomandi ræðismann til að sammælast um tíma.

Kjósendur eru minntir á að nauðsynlegt er að hafa meðferðis persónuskilríki með mynd t.d. íslenskt vegabréf, þegar komið er í sendiráð eða til ræðismanns til þess að kjósa. Athygli kjósenda skal vakin á því að það er á ábyrgð þeirra sjálfra að atkvæði berist í tæka tíð til viðkomandi kjörstjórnar á Íslandi.

Um framkvæmd kosninganna, atkvæðagreiðsluna sjálfa, undirbúning hennar og atkvæðagreiðslu utan kjörstaða og á kjörstað gilda lög um kosningar til sveitarstjórna nr. 5 frá 1998.

Einungis þeir sem eru með skráð lögheimili á Íslandi hafa rétt til að kjósa í sveitarstjórnarkosningum.

Ýmsar hagnýtar upplýsingar um kosningarnar er að finna á vefsetrinu kosning.is

Í Þýskalandi er unnt að kjósa utan kjörfundar á eftirtöldum stöðum: 

Berlín: Sendiráð Íslands, Rauchstr. 1, 10787 Berlin sími +49 (30) 5050 4000, netfang: infoberlin @mfa.is

Unnt er að kjósa utan kjörfundar hjá eftirtöldum ræðismönnum Íslands í umdæmislöndum sendiráðsins í Berlín: 

Ræðismenn í Þýskalandi

Ræðismenn í Póllandi

Ræðismaður í Króatíu

Ræðismaður í Serbíu



Inspired by Iceland