Utankjörfundaratkvæðagreiðsla er hafin

Atkvæðagreiðsla utan kjörfundar í Þýskalandi fer fram í sendiráði Íslands í Berlín og hjá kjörræðismönnum og hefst formlega miðvikudaginn 20. september.
Í sendiráðinu í Berlín er hægt að kjósa alla virka daga frá kl. 09:00-16:00, en til hagræðingar eru væntanlegir kjósendur vinsamlegast beðnir um að gera boð á undan sér. Jafnframt er unnt að kjósa hjá kjörræðismönnum Íslands og eru væntanlegir kjósendur vinsamlegast beðnir um að hafa samband við viðkomandi kjörræðismann til að sammælast um tíma.
Kjósendur eru minntir á að nauðsynlegt er að hafa meðferðis persónuskilríki með mynd t.d. íslenskt vegabréf, þegar komið er í sendiráð eða til kjörræðismanns til þess að kjósa. Athygli kjósenda skal vakin á því að það er á ábyrgð þeirra sjálfra að atkvæði berist í tæka tíð til viðkomandi kjörstjórnar á Íslandi.
Ýmsar hagnýtar upplýsingar um kosningarnar verður að finna á vefsetrinu www.kosning.is
Sendiráð Íslands er til húsa að Rauchstr. 1, 10787 Berlin sími +49 (30) 5050 4000, netfang: infoberlin @mfa.is

Þeir Íslendingar sem hafa búið erlendis lengur en frá 1. desember 2008 og ekki eru á kjörskrá þurfa að sækja sérstaklega um að þeir verði teknir á kjörskrá. Umsókn þarf að hafa borist Þjóðskrá í síðasta lagi 11. október 2017. Eyðublað vegna þessa má nálgast hér: https://skra.eydublod.is/Forms/Form/A-290

Video Gallery

View more videos