Vegabréf

Frá og með 17. maí 2006 er einungis hægt að sækja um íslensk vegabréf á Íslandi.

Í júlí 2006 verður hægt að sækja um vegabréf í sendiráðum Íslands í Kaupmannahöfn, Stokkhólmi, Osló, Lundúnum og Washington. Ræðismenn í umdæmi sendiráðsins taka ekki lengur við vegabréfsumsóknum. Ræðismenn geta hins vegar framlengt vegabréf um eitt ár frá þeim degi sem að vegabréfið rann út.

Í brýnustu neyð geta ræðismenn gefið út neyðarvegabréf. Neyðarvegabréf eru einungis gefin út ef umsækjandi getur ekki sótt vegabréf í sendiráði eða á Íslandi. Taka skal fram að neyðarvegabréf eru ekki ákjósanleg ferðaskilríki.

Áritanir

Sendiráð Íslands beinir því til íslenskra ríkisborgara búsetta í Kína að vera vakandi vegna hertrar framkvæmdar á framlengingu vegabréfaáritunar og dvalarleyfa.

Er hægt að framlengja vegabréfaárituninni í Hong Kong?
Ekki er tryggt að hægt sé að framlengja vegabréfaárituninni í Hong Kong eins og áður hefur verið. Misvísandi upplýsingar hafa borist frá kínverskum yfirvöldum þess efnis. Sendiráð Íslands mælir með að íslenskir ríkisborgarar leiti sér upplýsinga fyrirfram.

Hægt er að hafa samband við „Entry og Exit Administration Office til að leita frekari upplýsinga um möguleika á framlengingu áritunar og dvalarleyfis.

• Information desk Tel: ( 86 010) 8402 0101
• Customer Service Line Tel: ( 86 010) 8401 5300 or 8401 5316

Upplýsingar um möguleika á endurnýjun á vegabréfaáritun til Kína frá Hong Kong er að finna á heimasíðu „the Commisioners Office“ í Hong Kong. Sendiráð Íslands mælir með að haft sé samband við viðkomandi stofnun áður en haldið er til Hong Kong.

Hvað gerist ef dvalist er lengur en vegabréfaáritunin segir til um?
Sendiráðið beinir því til íslenskra ríkisborgara að athuga gildistíma áritunar sinnar og tryggja þarf  að áritun sé í samræmi við áætlaða lengd dvalar. Ef dvalist er umfram þann tíma sem áritunin segir til um getur það varðað sektum allt að 500 RMB (5000 isk.kr) á dag og jafnvel harðari refsingu.

Er hægt að ferðast frá Kína án vegabréfs og vegabréfaáritunar, ef t.d vegabréfi er týnt?
Nei slíkt er ekki hægt. Við þessar kringumstæður er nauðsynlegt að fá útgefið neyðarvegabréf frá íslenska sendiráðinu í Beijing og sækja um nýja vegabréfaáritun frá kínverskum yfirvöldum. Athugið að þetta ferli getur tekið nokkra daga. Nánari leiðbeiningar um ferlið er að finna undir tenglinum „þegar slysin gerast“ hér til hliðar.

Er hægt að ferðast frá Kína eftir að vegabréfaáritunin í vegabréfinu er útrunnin?
Í Kína er öflugt eftirlit með slíku og viðkomandi getur orðið fyrir því að vera stöðvaður við venjulegt eftirlit á flugvellinum. Að jafnaði er einungis hægt að yfirgefa Kína ef vegabréfaáritunin er í gildi.