15.08.2012

Vann silfur í sundi yfir Guluá

Kristín Ketilsdóttir vann nýlega silfurverðlaun í sundkeppni þar sem synt var yfir Guluá í Xunhua sýslu í Qinghai héraði í vesturhluta Kína. Kristín tók þátt í keppninni ásamt fjölskyldu sinni en faðir hennar Ketill Helgason, systirin Birna, bróðirinn Ívar og frændi hennar Vagn Margeir Smelt voru einnig á meðal keppenda.

Íþróttafjölskyldan mun einnig taka þátt í ólympískri þríþraut laugardaginn 18. ágúst í höfuðborg Anhui héraðs, Hefei, en frændinn verður þó fjarri góðu gamni. Þá munu þau einnig taka þátt í einni frægustu og strembnustu hjólreiðakeppni Kína dagana 24.-26. ágúst en þar verða hjólaðir 183 km fyrsta daginn og 155 km síðasta daginn með dags hvíld á milli. 



Inspired by Iceland