Utankjörfundaratkvæðagreiðsla fyrir alþingiskosningar 2017

Utankjörfundaratkvæðagreiðsla vegna alþingiskosninga 28. október 2017 hefst í sendiráðinu mánudag 25. september nk.

Sendiráðið tekur á móti kjósendum alla virka daga milli kl. 09:30 - 16:00. Kjósendur eru beðnir um að framvísa íslenskum persónuskilríkjum með mynd, þ.e. vegabréfi eða ökuskírteini.

Þeir sem vilja kjósa á ræðisskrifstofum er vinsamlega bent á að hafa samband við ræðismenn áður en þeir koma til að kjósa. Sjá nánari upplýsingar um ræðismenn Íslands hér.

Gert er ráð fyrir að kjósendur kynni sér sjálfir hverjir eru í framboði og hvaða listabókstafir eru notaðir. Stjórnmálaflokkar hafa frest til 13. október til að skila framboðslistum til kjörnefndar og verða upplýsingar birtar um þá í kjölfarið. Hagnýtar upplýsingar um kosningarnar má finna á www.kosning.is.

Athygli kjósenda er ennfremur vakin á því að þeim ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi, þ.e. fyrir eða í síðasta lagi laugardag 28. október. Síðasti dagur til að kjósa í sendiráðinu er föstudagur 27. október.

Video Gallery

View more videos