Bókaþjóðin Ísland í húsakynnum EFTA
Össur Skarphéðinsson, utanríkisráðherra og Bergdís Ellertsdóttir, aðstoðarframkvæmdastjóri EFTA, opnuðu sýninguna Sögueyjan Ísland - Portrett af íslenskum samtímahöfundumí húsakynnum EFTA í Brussel 15.05. sl.
Sýningin byggir á veggspjöldum með portrettljósmyndum Kristins Ingvarssonar ljósmyndara af á þriðja tug íslenskra rithöfunda og viðtölum Péturs Blöndal blaðamanns við þá um hvað í íslenskum söguarfi hafi helst haft áhrif á listsköpun þeirra.
Bókmenntakynningin er liður í kynningarstarfi sendiráðs Íslands í Brussel sem miðar að því að efla áhuga fyrir Íslandi og íslenskri menningu í Belgíu, sem og í umdæmisríkjunum Hollandi og Lúxemborg. Sýningin hefur þegar verið sýnd í helstu stofnunum Evrópusambandsins.
Við opnunina spilaði Björk Óskarsdóttir, fiðluleikari og einnig var sýnd ný heimildarmynd eftir Helgu Brekkan, Iceland's Artists and Sagas.
Frekari upplýsingar
