Ökuskírteini

Hægt er að sækja um endurnýjun á íslensku ökuskírteini í sendiráðinu í Brussel.

Umsóknareyðublöð fyrir ökuskírteini eru ekki lengur forprentuð eyðublöð, heldur pdf-skjöl á lögregluvefnum sem fólk er vinsamlega beðið um að fylla út á skjánum, prenta út, undirrita og hafa meðferðis.

Umsókninni þarf að fylgja svokallað kennispjald sem útvega þarf frá Ríkislögreglustjóra. Best er að hringja fyrirfram, gefa upp nafn og íslenska kennitölu og biðja sendiráðið að útvega kennispjaldið.